მომსახურების პირობები

რა არის Junto

Junto არის პროგრამა, რომლითაც ავტოსერვისები მართავენ ჯავშნებს, შეკვეთებს, ინვოისებს, თანამშრომლებსა და ფილიალებს, და სივრცე, სადაც მანქანის მფლობელები ჯავშნიან ვიზიტს და ადევნებენ თვალს თავიანთ მანქანებს. ამ ტექსტში „ჩვენ“ ნიშნავს შპს „სერვიო“-ს, „სერვისი“ კი ავტოსერვისს, რომელიც Junto-ს იყენებს.

Junto არ ასრულებს სარემონტო სამუშაოს და არ არის მხარე სერვისსა და მის კლიენტს შორის შეთანხმებაში. პირობების ერთი ნაწილი ეხება სერვისებს, მეორე — მანქანის მფლობელებს, დანარჩენი კი ყველას.

ანგარიში

• Junto-ს გამოსაყენებლად უნდა იყოთ მინიმუმ 16 წლის. სერვისის ანგარიშს ხსნის პირი, რომელსაც სერვისის სახელით მოქმედების უფლება აქვს; ის პასუხს აგებს თანამშრომლების მოწვევასა და მათ როლებზე.
• თანამშრომლები შედიან ელფოსტითა და პაროლით, მანქანის მფლობელები — მობილურის ნომრით და SMS კოდით. პაროლს და კოდს ნუ გაუზიარებთ სხვას: რაც თქვენი ანგარიშიდან ხდება, თქვენი პასუხისმგებლობაა.
• მიუთითეთ სწორი მონაცემები და საჭიროებისას განაახლეთ. თუ ფიქრობთ, რომ თქვენს ანგარიშში სხვა შევიდა, დაუყოვნებლივ მოგვწერეთ: support@junto.ge.

გეგმები და საცდელი პერიოდი

• ახალ სერვისს 14 დღე Junto უფასოდ აქვს, ბარათის გარეშე, და 100 უფასო SMS.
• შემდეგ სერვისი ირჩევს გეგმას (Start, Pro ან Network). გეგმა განსაზღვრავს ფილიალების, ბოქსებისა და თანამშრომლების რაოდენობას; ზოგი მოდული თვეში ცალკე ღირს. მოქმედი ფასები ჩანს junto.ge-ს ფასების განყოფილებაში და სერვისის გამოწერის გვერდზე.
• გადახდა შეიძლება თვიურად ან წლიურად; წლიური გამოწერა 10 თვის ფასი ღირს.
• პირველი გადახდისას ბარათი ინახება და ყოველი განახლების თანხა მას პერიოდის ბოლოს ავტომატურად ჩამოეჭრება. ბარათის მონაცემებს ბანკის გვერდზე შეიყვანთ და ისინი Junto-მდე არ აღწევს. ყოველ გადახდაზე Junto-ს ინვოისი გამოწერის გვერდზე ჩანს.
• უფრო მაღალ გეგმაზე გადასვლა მაშინვე მოქმედებს და მიმდინარე პერიოდის დარჩენილი ნაწილის სხვაობა მაშინვე ჩამოიჭრება; დაბალ გეგმაზე გადასვლა მომდევნო განახლებიდან მოქმედებს.
• გამოწერას ნებისმიერ დროს გააუქმებთ გამოწერის გვერდზე. ის გადახდილი პერიოდის ბოლომდე მოქმედებს და აღარ განახლდება. გადახდილი პერიოდის გამოუყენებელი ნაწილი არ ბრუნდება, თუ კანონი სხვას არ ითვალისწინებს.

გადაუხდელობა

თუ განახლების თანხა ვერ ჩამოიჭრა, ბარათს მომდევნო დღეებში რამდენჯერმე ხელახლა ვცდით და სერვისს გადასახდელად 7 დღე აქვს. თუ ამ ვადაში გადახდა არ შედგა, ან საცდელი პერიოდი გეგმის არჩევის გარეშე დასრულდა, ანგარიში მხოლოდ წაკითხვის რეჟიმში გადადის: ყველა ჩანაწერი ჩანს და მონაცემების ჩამოტვირთვა შესაძლებელია, მაგრამ ახლის დამატება და შეცვლა აღარ შეიძლება.

მხოლოდ წაკითხვის რეჟიმი 90 დღე გრძელდება. ამის შემდეგ გამოწერა უქმდება და პროგრამის გვერდები იკეტება, მაგრამ მონაცემები ინახება და სერვისის მფლობელს მათი ჩამოტვირთვა შეუძლია. ნებისმიერ ეტაპზე გადახდისთანავე ყველაფერი ისევ ირთვება.

SMS ბალანსი

• სერვისის SMS-ები იგზავნება წინასწარ შევსებული ბალანსიდან. ბალანსს ბარათით ავსებთ გამოწერის გვერდზე.
• ერთი სეგმენტი 0.04 ₾ ღირს. ქართული ტექსტის სეგმენტი 70 სიმბოლოა (გრძელ შეტყობინებაში 67), ლათინურის — 160 (153). ღირებულება ბალანსიდან გაგზავნისას აკლდება.
• ბალანსის ამოწურვისას SMS-ები აღარ იგზავნება, სანამ ბალანსს არ შეავსებთ. მიწოდების სტატუსს SMS-ის მომწოდებელი გვიგზავნის და ის ჟურნალში ინახება.
• ბალანსს ვადა არ აქვს, სანამ სერვისის ანგარიში არსებობს. გამოუყენებელი ბალანსი და საცდელი პერიოდის 100 უფასო SMS ფულად არ ბრუნდება, გარდა კანონით გათვალისწინებული შემთხვევებისა.
• SMS-ის შინაარსსა და ადრესატზე სერვისია პასუხისმგებელი. შეხსენებები და შეთავაზებები გაუგზავნეთ მხოლოდ იმ კლიენტებს, ვინც ამაზე თანხმობა მოგცათ, და პატივი ეცით მათ უარს.

კლიენტების მონაცემები

მონაცემები, რომლებსაც სერვისი Junto-ში ინახავს (კლიენტები, მანქანები, შეკვეთები, ინვოისები, ფოტოები), სერვისს ეკუთვნის. მათი დამუშავებისთვის პასუხისმგებელი პირი სერვისია, ჩვენ კი უფლებამოსილი პირი ვართ: ამ მონაცემებს ვამუშავებთ მხოლოდ სერვისის დავალებით და Junto-ს მუშაობისთვის, როგორც კონფიდენციალურობის პოლიტიკაშია აღწერილი.

სერვისი პასუხს აგებს, რომ მონაცემების შეგროვებისა და დამუშავების კანონიერი საფუძველი აქვს და კლიენტებმა იციან, რომ მათი ჩანაწერები Junto-ში ინახება.

სერვისი თანხმდება, რომ მისი დასრულებული ვიზიტები VIN-ით, ანონიმურად შედის მანქანის ისტორიის ანგარიშში: თარიღი, სერვისის სახელი და ქალაქი, გარბენი, სამუშაო და დაზიანებები, სახელების, ტელეფონების, ფოტოებისა და ფასების გარეშე. ამ ანგარიშების გაყიდვიდან სერვისი შემოსავალს არ იღებს.

სერვისის მფლობელს მონაცემების ჩამოტვირთვა ნებისმიერ დროს შეუძლია, მათ შორის მხოლოდ წაკითხვის რეჟიმში და გამოწერის გაუქმების შემდეგ.

ანგარიში, ჯავშნები და გადახდები

• Junto-ს ანგარიში მანქანის მფლობელისთვის უფასოა. ფასიანია მხოლოდ მანქანის ისტორიის ანგარიში VIN-ით (იხ. ქვემოთ).
• სერვისები თავიანთ ჩანაწერებს თქვენს ანგარიშს ნომრით უკავშირებენ. სანამ „ეს მე ვარ“-ს არ დააჭერთ, მხოლოდ სერვისის სახელს ხედავთ. ჩანაწერების სისწორეზე სერვისია პასუხისმგებელი.
• ონლაინ ჯავშანი თქვენსა და სერვისს შორის შეთანხმებაა და არა Junto-სთან. Junto ჯავშანს სერვისს გადასცემს, ვიზიტს კი სერვისი იღებს, გადაიტანს ან აუქმებს. სამუშაოს ხარისხზე, ფასზე, ვადასა და გარანტიაზე სერვისია პასუხისმგებელი.
• როცა ბმულით ან ანგარიშში ადასტურებთ სამუშაოს, სერვისს ეთანხმებით ამ სამუშაოზე და მის ფასზე.
• ინვოისს ბარათით სერვისის ბანკის გვერდზე იხდით და თანხა პირდაპირ სერვისს ერიცხება. Junto თანხას არ იღებს და არ ინახავს; თანხის დაბრუნებასა და დავებზე მიმართეთ სერვისს.
• შეფასება დაწერეთ მხოლოდ საკუთარ ვიზიტზე, პატიოსნად და შეურაცხყოფის გარეშე. შეფასება შეიძლება გამოჩნდეს სერვისის გვერდზე და Junto-ს ძიებაში.

ოჯახთან გაზიარება

• მანქანის მფლობელს შეუძლია მანქანა ოჯახის წევრებს ტელეფონის ნომრით გაუზიაროს. მოწვეული მაშინ შემოუერთდება, როცა იმავე ნომრით შევა და მოწვევას მიიღებს.
• ოჯახის წევრი ხედავს მანქანის ისტორიას, ინვოისებს და ნაყიდ ისტორიის ანგარიშს, ჯავშნის ვიზიტს და იხდის ინვოისებს. მანქანის ან სხვა წევრის წაშლა მხოლოდ მფლობელს შეუძლია.
• მფლობელს შეუძლია წევრის წაშლა ან მფლობელობის სხვა წევრისთვის გადაცემა, წევრს კი ნებისმიერ დროს დატოვება.
• მოიწვიეთ მხოლოდ ის, ვინც ამ მანქანის ვიზიტებს, ინვოისებსა და ფასებს უნდა ხედავდეს.

მანქანის ისტორიის ანგარიში VIN-ით

• ნებისმიერს შეუძლია იყიდოს მანქანის სერვისის ისტორია Junto-ს სერვისებში მისი VIN-ით. გადახდამდე უფასოდ ხედავთ შეჯამებას: ვიზიტების რაოდენობას, სერვისების რაოდენობას, წლებს და ბოლო ჩაწერილ გარბენს.
• ფასი გადახდამდე ჩანს. ანგარიშს ყიდის შპს „სერვიო“: იხდით ბარათით ბანკის გვერდზე junto.ge-დან და იღებთ Junto-ს ქვითარს. აპლიკაციაში ანგარიში არ იყიდება.
• ერთი ყიდვა VIN-ს სამუდამოდ უხსნის თქვენ და ყველას, ვისთანაც ეს მანქანა გაზიარებული გაქვთ, მოგვიანებით ჩაწერილი ვიზიტების ჩათვლით.
• ანგარიშში მხოლოდ ის ვიზიტებია, რომლებიც Junto-ს სერვისებმა ჩაწერეს: სხვაგან შესრულებული სამუშაო მასში არ ჩანს. ჩანაწერების სიზუსტეზე სერვისები არიან პასუხისმგებელი. ანგარიში არ არის მანქანის მდგომარეობის გარანტია ან ტექნიკური დათვალიერების შემცვლელი.
• ანგარიშში არ არის სახელები, ტელეფონები, წინა სახელმწიფო ნომრები, ფოტოები და ფასები.
• VIN-ზე, რომელსაც Junto-ში ვიზიტი არ აქვს, თანხა არ ჩამოგეჭრებათ. ორჯერ გადახდილ თანხას ავტომატურად ვაბრუნებთ. თუ გადახდის შემდეგ ანგარიში ვერ გაიხსნა ან შეცდომას შეიცავს, მოგვწერეთ support@junto.ge და თანხას დაგიბრუნებთ. სხვა შემთხვევაში ანგარიშის თანხა არ ბრუნდება, თუ კანონი სხვას არ ითვალისწინებს.

გამოყენების წესები

• Junto გამოიყენეთ მხოლოდ კანონიერი მიზნით. ნუ შეინახავთ სხვის მონაცემებს საფუძვლის გარეშე და ნუ გაგზავნით სპამს.
• სერვისის საჯარო გვერდზე მიუთითეთ სწორი ინფორმაცია: მისამართი, სამუშაო საათები, მომსახურებები და ფასები. ნუ შექმნით ყალბ შეფასებებს.
• ნუ შეეცდებით სხვისი ანგარიშის ან სხვა სერვისის მონაცემების ნახვას, დაცვის გვერდის ავლას, სისტემის გადატვირთვას ან ავტომატურ მასობრივ მოთხოვნებს.
• ნუ გაყიდით და ნუ გადასცემთ Junto-ზე წვდომას მესამე პირებს და ნუ გადაიღებთ მისი პროგრამის ან დიზაინის ასლს.

საკუთრება და თქვენი შინაარსი

Junto-ს პროგრამა, დიზაინი და სახელი შპს „სერვიო“-ს ეკუთვნის. მათი გამოყენება შეგიძლიათ ამ პირობებით, სანამ ანგარიში გაქვთ.

მონაცემები, ფოტოები და ტექსტები, რომლებსაც ამატებთ, თქვენი რჩება. გვაძლევთ უფლებას, შევინახოთ, დავამუშაოთ და ვაჩვენოთ ისინი იმდენად, რამდენადაც ეს Junto-ს მუშაობისთვისაა საჭირო, მაგალითად სერვისის გვერდზე და შეფასებებში.

ანგარიშის შეჩერება და დახურვა

სერვისს გამოწერის გაუქმება ნებისმიერ დროს შეუძლია, მანქანის მფლობელს კი ანგარიშის წაშლა, როგორც დახმარების გვერდზეა აღწერილი.

ჩვენ შეგვიძლია შევაჩეროთ ან დავხუროთ ანგარიში, თუ ეს პირობები ირღვევა, თუ ანგარიში საფრთხეს უქმნის სხვებს ან Junto-ს, ან თუ ამას კანონი მოითხოვს. შესაძლებლობისას ჯერ გაგაფრთხილებთ და მიზეზს გეტყვით. სერვისს მონაცემების ჩამოტვირთვის საშუალებას ვუტოვებთ, თუ კანონი სხვას არ მოითხოვს.

Junto-ს მუშაობა

ვცდილობთ, Junto შეუფერხებლად მუშაობდეს, და ყოველდღე ვაკეთებთ დაშიფრულ სარეზერვო ასლებს, თუმცა შეფერხებებისა და შეცდომების სრულ არარსებობას ვერ დაგპირდებით. Junto-ს ფუნქციებს შეიძლება ვცვლიდეთ და ვაუმჯობესებდეთ.

SMS-ის მიწოდება და ბარათით გადახდა SMS-ის მომწოდებელსა და ბანკზეა დამოკიდებული. მათ მხარეს მომხდარ შეფერხებებზე პასუხს ვერ ვაგებთ.

პასუხისმგებლობის შეზღუდვა

Junto მოწოდებულია ისეთი, როგორიც არის. ჩვენ არ ვაგებთ პასუხს სერვისის მიერ შესრულებულ სამუშაოზე, მის ფასებსა და გარანტიაზე, სერვისებისა და მომხმარებლების შეყვანილი მონაცემების სიზუსტეზე და არაპირდაპირ ზიანზე, როგორიცაა მიუღებელი შემოსავალი ან დაკარგული კლიენტები.

ჩვენი სრული პასუხისმგებლობა თქვენ წინაშე შემოიფარგლება თანხით, რომელიც ბოლო 12 თვეში Junto-ს გადაუხადეთ. ეს შეზღუდვა არ ვრცელდება განზრახ ან უხეში გაუფრთხილებლობით მიყენებულ ზიანზე და არ ზღუდავს მომხმარებლის უფლებებს, რომლებსაც საქართველოს კანონი გაძლევთ.

მოქმედი სამართალი და დავები

ამ პირობებს საქართველოს კანონმდებლობა არეგულირებს. დავის შემთხვევაში ჯერ მოგვწერეთ support@junto.ge და შევეცდებით, საკითხი შეთანხმებით მოვაგვაროთ. თუ ვერ შევთანხმდით, დავას განიხილავს თბილისის საქალაქო სასამართლო.

ცვლილებები

პირობების შეცვლისას გვერდის ბოლოს მითითებულ თარიღს ვაახლებთ. არსებით ცვლილებებს წინასწარ ვაცნობებთ: სერვისებს ელფოსტით ან პროგრამაში, მანქანის მფლობელებს ანგარიშში. ცვლილების შემდეგ Junto-ს გამოყენება ნიშნავს, რომ ახალ პირობებს ეთანხმებით.

კონტაქტი

კითხვები ამ პირობებზე: support@junto.ge.

ვინ მართავს Junto-ს

Junto-ს (junto.ge და აპლიკაციები) მფლობელი და ოპერატორია შპს „სერვიო“.

კომპანია

შპს „სერვიო“

საიდენტიფიკაციო კოდი

405892057

იურიდიული მისამართი

ჟიული შარტავას ქ. 55, საბურთალოს რაიონი, თბილისი, საქართველო

დირექტორი

გიორგი გორდიაშვილი

ელფოსტა

support@junto.ge